التسجيل

If this is your first visit, please click the Sign Up now button to begin the process of creating your account so you can begin posting on our forums! The Sign Up process will only take up about a minute of two of your time.

النتائج 1 إلى 5 من 5
  1. #1
    عضوهـ مميزهـ
    تاريخ التسجيل
    Dec 2009
    المشاركات
    1,704

    افتراضي افكار سهله لتنظيف المنزل ، طرق تنظيف المنزل

    مساء الخير عليكم

    النهارده لاول مره هكتب فى القسم المنزلى


    عندى اكتر من حاجه بعملها لتنظيف البيت بتسهل على المهمه وبتخلى البيت فعلا نضيف ومستعد لآى زائر فى أى وقت


    كلنا علب البخاخ عندنا اول ماتفرغ بنرميها ، انا بعيد استعمالها تانى لانها فعلا مفيده
    اول حاجه غسيل وتنظيف علبه البخاخ من الماده الاصليه التى كانت بها
    ونبدأ الاستعمالات.

    بسم الله

    **لتعطير البيت
    ماء ورد نخلطه بالماء ومعلقه كبيره اى زيت معطر عندنا.....انتى كده عندك معطر رخييييييييييص جدا وفى نفس الوقت رائحته دائمه بالبيت......بعد ما نفتح الشبابيك الصبح للتهويه وبعد دخول الشمس وتلميع الاثاث واعاده اغلاق النوافذ كلها هنرش الستائر والسجاد والكنب واى فرش بالبيت واستمتعى بالرائحه والنظافه

    **لتنظيف الحمامات والمطابخ
    مقدار من الكلوركس ومنظف الصحون و2ملعقه خل ابيض عادى كبيره، ونضعهم بالرشاشن ونضع بكل حمام زجاجه
    بعد كل استعمال للتواليت او الحوض نرش منه ونشطف بسهوله ، الحمام هيفضل نضيف وبيبرق ورائحته فى منتهى النظافه بالاضافه للتعقيم كمان
    ونفس الخلطه عند حوض المطبخ بعد الجلى يتم رش الحوض بها من جميع الجوانب لازاله الدهون والجير من على الحوض
    ونرش بها البوتاجاز لتنظيفه كل يوم وفور وقوع اى شىء عليه وممكن رشه على الشفاط الاستانلس لازاله الدهون المترسبه عليه كل يوم مجرد مسحه بالاسفنجه والدنيا هتبقى منتهى النظافه.
    وممكن رشه فى اى اوانى فار عليها الاكل او اللبن من الخارج لتسهيل تنظيفها.

    **قشور الفواكه

    الفتره دى التفاح والبرتقال بكثره ومتوفر
    بعد تقسير التفاح ما ترمى القشر حطيه فى اى انيه قديمه وعليه ماء وعود قرفه ورشه فانيلا صغيره جدا .......واتركيه على نار هادئه جدا وتمتعى برائحه الجو المعطر بالقرفه والتفاح
    وممكن قشر البرتقال كذلك نفس الطريقه
    او وضعه بأى طبق فوق الثلاجه حتى يجف ، وفى الفتره حتى يتم جفافه هيملاء المكان او الغرفه اللى انتى حاطاه فيها بعطر البرتقال وبعد الجفاف التام يطحن لاستعماله فى عمل الكيكات برائحه البرتقال
    وبكده تكونى استفدتى منه مرتين

    **لتسهيل التلميع للموبيليا

    كلنا عندنا شرابات قطن (رياضيه ) بتبوظ او تقدم ماترميهاش ، بدل ماتنظفى بفوطه تلميع البسى الشراب ورشى عليه بليدج او حطى عليه شويه زيت زيتون ولمعى الموبيليا الخشب ، تحكمك هيكون اسرع واسهل واتقان التنظيف هيكون افضل

    يمكنك استخدام الشرابات كذلك فى تلميع الاحذيه بلبس الشراب فى يدك ووضع الفازلين عليه وتلميع كافه الوان الاحذيه الجلديه بدل الورنيش وتلطيخه وكثره ادوات تلميع الاحذيه

    **إذا كان الزوج مدخن ضعى بكل طفايه قطعه من تراب البخور ارخص نوع وافركيها بالمطفئه وعند كل اطفاء لرماد السيجاره ستفوح رائحه البخور بدلا من رائحه دخان السجائر

    **ضعى دوما على التلاجه مغناطيس وورقه مثبته به وقلم فى مكان قريب وكلما نقص شىء من الثلاجه او من احتياجاتك المنزليه فورا دونيه وبذلك تتجنبى النسيان وكثره الذهاب للسوق وايضا الشراء المكرر لبعض الاشياء الموجوده اصلا بالاضافه للتوفير فى الميزانيه
    وضعى ورقه اخرى كبيره مكتوب عليها things to do او مهام يوميه
    اكتبى عليها كل ليله ما تودين عمله فى اليوم التالى مثلا:
    تنظيف
    غسيل الشراشف
    نقع الملابس الصوفيه
    شراء مستلزمات المنزل
    زياره الاولاد بالمدرسه
    مكالمه امى او صديقتى
    كتابه خطاب فى العمل او لصديقه
    شراء .......
    أى مهمه تحبين انجازها
    وكل يوم القائمه تتغير طبعا بحسب المطلوب منك انجازه
    الفوائد عظيمه لهذه القائمه
    هتحددى المهام بتاعتك
    هتنجزيها وكل ما انجزتى مهمه تضعى علامه امامها تفيد اتمامها
    شعورك النفسى بالانجاز
    راحه النفس بأنك ليست لديك مهام متأخره وكذلك راحه العقل من الدوران فى حلقه مالم انجزه او احساسك بأن هناك شىء ناقص

    **عمل جدول شهرى بانواع الطبخات للاسره كلها
    اكثر ما يضايقنا فى حياتنا السؤال المعتاد
    هتاكلوا ايه النهارده؟
    والرد الاستفزازى
    أى حاجه
    ولذلك قومى بعمل جدول شهرى ب 20 طبخه فقط متضمنا نوع الطبخه والاطباق الجانبيه والسلطات ونوع الحلى المقدم فى ذلك اليوم
    هترتاحى من وجع القلب وتضييع الوقت والاسره هتتأقلم مع الجدول
    احرصى على عدم تكرار اى طبخه طول الشهر والتنويع كل يوم مابين الخضروات والاسماك والمعجنات والبقول

    **لتلميع الملاعق والشوك من الاستانلس ستيل وكذلك اى ادوات ستانلس

    أغلى ماء وضعيه فى وعاء بلاستيك كبير واضيفى كلوروكس وصابون اطباق عادى وانقعى فيها الادوات
    ثم اشطفيها وشوفى اللمعان والنظافه

    كل يوم بالليل قبل النوم وخروجك من المطبخ افتحى كل الدرف ودعيها تتنفس حتى الصباح ومن الافضل لو اشعلتى عود بخور صغير بالمطبخ وستلاحظين اختفاء روائح الرطوبه من المطبخ بالداخل تماما

    **لو اتحرقت عندك حله ........ضعيها على النار مع ماء وكوب خل ودعيها تغلى ، ستلاحظين انتزاع الطبقه المحترقه تماما

    الموضوع مش منقول دى طريقتى انا فى تنظيم بيتى ولى سنين ماشيه عليها وبصراحه مريحانى جدا

    وهعمل لكم بإذن الله موضوع تانى عن جدول تنظيف وتنظيم شهرى للبيت حتى يكون فعلا


    Home Sweet Home

    يارب الموضوع يعجبكم

  2. #2
    عضوهـ جديد
    تاريخ التسجيل
    Jan 2010
    المشاركات
    2

    افتراضي رد: افكار سهله لتنظيف المنزل ، طرق تنظيف المنزل

    يسلمووووو قلبي موضوع وايد حلوووو

  3. #3
    عضوهـ جديد
    تاريخ التسجيل
    Mar 2010
    المشاركات
    13

    افتراضي رد: افكار سهله لتنظيف المنزل ، طرق تنظيف المنزل

    موفق بإذن الله ... لك مني أجمل تحية .

  4. #4

    الصورة الرمزية ملكة الأكسسوار
    تاريخ التسجيل
    Mar 2010
    الدولة
    اميره في دنياحقيره
    المشاركات
    1,612

    افتراضي رد: افكار سهله لتنظيف المنزل ، طرق تنظيف المنزل

    [align=center]
    ثانكس ع الأفكار الحلوه
    مامي ايضاً عندها هي الأفكار للتنظيف
    [/align]

  5. #5
    مراقبة عامة الصورة الرمزية الوتين
    تاريخ التسجيل
    Jun 2010
    المشاركات
    13,371

    افتراضي رد: افكار سهله لتنظيف المنزل ، طرق تنظيف المنزل



المواضيع المتشابهه

  1. ديكورات للحائط 2012،ديكورات لجدار المنزل،رسومات حائط روعه،ديكور لجدران المنزل روعه
    بواسطة قمرهم في المنتدى ديكورات غرف منازل أثاث و مطابخ 2017 - 2016
    مشاركات: 2
    آخر مشاركة: 10-13-2011, 02:02 PM
  2. كيف تنظفين منزلك في 19 دقيقة؟ , نظفى منذلك , طريقة تنظيف المنزل
    بواسطة الاميرة في المنتدى ديكورات غرف منازل أثاث و مطابخ 2017 - 2016
    مشاركات: 4
    آخر مشاركة: 11-13-2010, 08:51 PM
  3. ورق للجدار 2010،ورق لجدران المنزل،ورق لجدار المنزل،صور ورق جدران مميزه،ورق جدران روعه
    بواسطة قمرهم في المنتدى ديكورات غرف منازل أثاث و مطابخ 2017 - 2016
    مشاركات: 1
    آخر مشاركة: 02-10-2010, 02:24 PM
  4. مشاركات: 5
    آخر مشاركة: 11-25-2009, 12:51 AM
  5. طريقه عمل شموع الجل في المنزل بالصورطريقه روعه لعمل شموع الجل في المنزل
    بواسطة halm في المنتدى كروشية و خياطة وتصاميم و اشغال يدوية وخبرات منزلية
    مشاركات: 2
    آخر مشاركة: 11-22-2009, 03:44 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 04:38 AM
Powered by vBulletin® Version 4.2.2
Copyright © 2016 vBulletin Solutions, Inc. All rights reserved.
منتدى فاتنات